Rơndăp broă lơh Bơcri priă lơh gùng rơndeh lòt mhar Khánh Hoà – Buôn Ma Thuột kờp jơh jòng rơlao 117 kơi sồ. Tàm hơ̆, gơl lòt gan càr Khánh Hoà jòng 32,7 kơi sồ, mờ kờp jơh priă tă lơh rơlao 5 rơbô 600 tơmàn đong. Rơndăp broă lơh geh mŭt lơh bơh nggùl nhai 6 nam 2023, kờp dŭ gơl gùng do geh ai ngui tàm nam 2026.

Ală mpồl lơh gùng gam lơh tờ, cò mờ bơ̆t wơl tàm ală tiah neh geh jào ù. Tus tŭ do, priă tă lơh jăt rơndăp broă lơh gơl gùng lòt gan càr Khánh Hoà neh bơcri geh 71,8% broă rơndăp lơh nam 2023. Nàng lơh rơndăp broă lơh gùng do, pal geh bă ù ơnàng geh tơm ntrờn di pơgăp 230 lồ mờ 970 broă lơh gơtìp gơrềng bal. Rơndăp broă lơh do kung kờñ geh mờr 23 lồ ù brê pal tam gơl jơnau kờñ ngui brê tus mờ broă lơh jăt jơnau kờñ ndai nàng lơh rơndăp broă lơh gùng do.