Ngai òr (29/07), Mpồl cau ala mat Quôk hội ƀòn dờng Hà Nội bơyai lơh pơrjum pồ tơl gơnoar broă Kwang atbồ Mpồl cau ala mat Quôk hội khoă XV. Tơnơ̆ tŭ pờ tê ring bal mat tơn pồ, ală cau ala mat neh đùh sră ndơp nàng pồ Kwang atbồ Mpồl cau ala mat Quôk hội ƀòn dờng. Cồng nha, 100% cau ala mat geh mat neh pồ mò Bùi Thị Minh Hoài, Kwang geh jơng tàm Ƀộ Cíñ trị, Ƀí thư Thàñ ủy ƀòn dờng lơh Kwang atbồ Mpồl cau ala mat Quôk hội khoă XV ƀòn dờng Hà Nội, tơngai lơh broă bơh nam 2021 tus nam 2026.

Đơs dờp kơnòl broă, ai lơh pơn yờ să ngan tŭ geh ală cau ala mat Quôk hội tàm Mpồl pin dờn uă pồ at gơnoar broă Kwang atbồ mpồl, Ƀí thư Thàñ ủy ƀòn dờng Hà Nội mò Bùi Thị Minh Hoài pà git, rơp lơh ngan jơh pràn, pơgồp bal jơh nùs mờ ală kwang đơng lam bồ Mpồl, ală cau ala mat Quôk hội gàr kơ̆ jơnau pal jat, tơnguh bơta lam lài, lơh krơh lài, lam lơh kơnòl broă jat jơnau pal jat lơh broă bơh cau ala mat Quôk hội mờ Mpồl cau ala mat Quôk hội ƀòn dờng dê.