Tàm dơ̆ wă, ala mat Kwang đơng lam bồ Đảng, Dà lơgar, Kwang bàng Ƀộ Cíñ trị, Lơh broă sùm Ƀan Ƀí thư, Kwang atbồ Mpồl rơndăp broă Dà lơgar mò Trương Thị Mai jờng rơ mờ jờng rơ uă ngan cồng nha neh lơh geh bơh Kông đoàn Mpồl ling klàng dê tàm ală nam do.

Tàm tơngai tus, mờ bơsram, tơnguh uă bơta niam lơh broă bơto bơtê cíñ trị, bồ tơngoh, mò Trương Thị Mai kơ̆p kờñ Kông đoàn Mpồl ling klàng pơn jat tai bơyai lơh niam srơh tàm pơrlòng Kông đoàn Mpồl ling klàng, tam gơl pa bơceh lơh, pơlam tàp pràn kơl dang să jan, bơto bơtê nùs nhơm, tơnguh uă bơta gĭt wă, pơlam tàp broă lơh pràn kơl dang, kơ̆ kơl jăp, bơtàu tơnguh di pal ngan, di pal mờ Cau ling Wa Hồ dê; dơ̆ hòi jà lơh jăt niam bơhiàn tă pơgồp dà kơl hề pràn jak di pal mờ Cau ling Wa Hồ mờ ală broă lơh geh ngan, ngan ngồn mờ geh cồng nha.