Mpồl đơng lam Dà lơgar bè broă rơcang sơndră mờ sa kuề sa koà, ờ niam lơh broă mờ càr Bà Rịa – Vũng Tàu
Thứ sáu, 08:11, 27/10/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Ngai òr (26/10), Mpồl kwang bàng lơh broă tàm Mpồl đơng lam Dà lơgar bè rơcang sơndră mờ sa kuề sa koà, ờ niam geh ồng Trần Cẩm Tú, Kwang geh jơng tàm Ƀộ Cíñ trị, Củ ñiệm Ủy ƀan Kiểm tra Dà lơgar, Phó kwang atbồ Mpồl đơng lam Dà lơgar bè rơcang sơndră mờ sa kuề sa koà, ờ niam lam bồ Mpồl kwang bàng (mpồl sồ 3) neh geh dơ̆ lơh broă mờ Tỉñ ủy càr Bà Rịa-Vũng Tàu nàng yal broă rơndăp lơh sền gròi broă lơh jăt kơrnoăt boh lam gùng dà broă lơh bơh Đảng bè broă rơcang sơndră mờ sa kuề sa koà, ờ niam gơs adăt boh lam Dà lơgar dê.
Tàm ală anih lơh broă geh tus sền, Mpồl kwang bàng neh hòi jà ală anih lơh broă, mpồl lơh broă yal mblàng, lơh loh ală jơnau đơs, jơnau sền wơl, khà ai gŏ, yal jơnau tơngit, sră nggal, pang sră gơrềng bal nàng Mpồl kwang bàng lơh broă kơlôi sơnơng, lùp sền nàng git, lơh loh broă gơrềng bal tus mờ tơngu me broă sền gròi. Đơs tàm dơ̆ lơh broă, ồng Trần Cẩm Tú, Kwang geh jơng tàm Ƀộ Cíñ trị, Củ ñiệm Ủy ƀan Kiểm tra Dà lơgar, Phó kwang atbồ Mpồl đơng lam Dà lơgar bè rơcang sơndră mờ sa kuề sa koà, ờ niam pà git, Mpồl drơng kơnòl broă Tỉñ ủy càr Bà Rịa-Vũng tàu là dùl tàm 6 mpồl Đảng geh Mpồl đơng lam Dà lơgar lơh broă rơndăp lơh sền gròi.
Viết bình luận