Mpồl neh yal kơrnoat mờ yal broă rơndăp lơh jat sền broă lơh đơng lam, sồr lơh mờ lam lơh jat jơnau đơs pơndŭt sồ 67 nam 2019 bơh Ƀộ Cíñ trị dê bè bơt bơtàu mờ bơtàu tơnguh ƀòn dờng Buôn Ma Thuột tus nam 2030, rơndăp broă lơh tus nam 2045.

Jat Kơrnoat, Mpồl jat sền bơh Ƀan Kiñ tế Dà lơgar rơ̆p lơh broă jat sền tàm 45 ngai, gơwèt mờ 6 mpồl lơh broă geh gơrềng, nàng sền sơ wì dùl bă tơl làm cồng nha lơh jat, sơñio bơta niam, bơta ờ hềt niam, jơnau gơbàn lơh gơlik geh ală bơta ờ di pal, kal ke, kòl yan tơnơ̆ 4 nam lơh jat Jơnau đơs pơndŭt sồ 67 nam 2019 bơh Ƀộ Cíñ trị dê bè “Bơt bơtàu mờ bơtàu tơnguh ƀòn dờng Buôn Ma Thuột, càr Dăk Lăk tus nam 2030, rơndăp broă lơh tus nam 2045”. Bơh hơ̆, đơs ală gùng dà broă lơh nàng tă bơsong ală bơta kal ke, kòl yan lơh jat geh cồng nha kơnòl broă mờ jơnau đơs pơndŭt sồ 67 dê ai tơlik.