Tàm càr lơgar Bắc Kinh, Mpồl kwang bàng neh geh dơ̆ pơrjum mờ Mpồl Kwang bàng ala măt Đảng Kộng sản lơgar Lo bơh Kwang bàng lơh broă sùm tàm Ƀộ Cíñ trị, Ƀí thư Ủy ƀan Sền swì lơh glài Đảng Kộng sản dà lơgar Lo ồng Lý Hy lơh Kwang ătbồ mpồl.

Tàm dơ̆ pơrjum, Kwang ătbồ Ủy ƀan Sền swì Đảng Dà lơgar ồng Trần Cẩm Tú đơs nền, lơgar Việt Nam sùm sền dờng màng mờ ai lài khà dùl bơtàu tơnguh gĭt gơ̆p mờ lơgar Lo; tŭ lơi kung kờñ bal mờ Đảng mờ Dà lơgar Lo chồl tơnguh gĭt gơ̆p Tam klăc lơh broă bal jŏ jòng tơl ală bơta đah Việt Nam mờ Lo mŭt tàm tŭ tơngai pa bal mờ bơta pin dờn cíñ trị uă rlau, lơh broă bal sền gàr dà lơgar mờ lơngăp lơngai ngan ngồn rlau, lơh broă bal ngan ngồn jrô ơnàng rlau, bơnàng jă mpồl bơtiàn kơ̆ kơl jăp rlau, pơgồp bal tàm ală pơrjum uă gah kơ̆ kơl jăp rlau, ală broă ờ ring bal geh gròi sền mờ bơsong niam rlau jăt tàm bơta gĭt wă bal kwang bàng kâp dờng mờ dipal mờ adat boh lam dunia.