Mho ngai 10/11, tàm Hà Nội, ồng Trần Tuấn Anh, Kwang bàng Ƀộ Cíñ trị, Kwang atbồ Mpồl lơh sa Dà lơgar, ala mat Đảng Dà lơgar he dê, neh wă rò Mpồl kwang bàng kấp dờng Đảng Kộng sản lơgar Peru. Ồng Trần Tuấn Anh đơs nền, Đảng Kộng sản lơgar Việt Nam sùm sền dờng màng, kơ̆p kờñ sùm bơt bơtàu mờ sơlơ tơnguh bơta gĭt gơ̆p lơh broă bal mờ ală lơgar, ală đảng geh bơta gĭt gơ̆p bơh yô yau, tàm hơ̆ geh Đảng Kộng sản lơgar Peru jat tàm ală bơta tàm klăc bal kah yau, bơta geh kwơ ndrờm bal mờ sồr lơh broă bal tàm bơta pa tài bơta kwơ bơh làng bol tơl lơgar, tài ring lơngai, lơh broă bal mờ bơtàu tơnguh tàm tiah do mờ tàm dunia.

Tổng Ƀí thư Đảng kộng sản lơgar Peru ồng Lu-ít Vi-gia-nu-ê-va đơs sùm Đảng Kộng sản lơgar Peru sùm sền dờng màng bơta gĭt gơ̆p bơh yau, mpồl tam klăc bal mờ Đảng Kộng sản lơgar Việt Nam; hơ pơn jat tai tă pơgồp tàm broă chồl tơnguh bơta gĭt gơ̆p lơh bơyô bal mờ lơh broă bal niam bơnĕ đah 2 Đảng, 2 Dà lơgar mờ làng bol 2 lơgar dê tàm tơngai tus.