Mpồl kwang bàng Quôk hội càr Dăk Lăk jat sền broă lam lơh broă dong kờl bơtàu tơnguh wơl mờ bơtàu tơnguh lơh sa – mpồl bơtiàn
Thứ năm, 10:06, 11/01/2024
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.K'Ho- Mho òr (10/01), Mpồl kwang bàng Quôk hội càr Dăk Lăk lam lơh broă lơh jat sền gơ wèt mờ Ủy ƀan Ñân zân càr bè broă lơh jat Nghị quyết sồ 43 nam 2022 bơh Quôk hội dê bè broă lơh priă jền dong kờl broă lơh bơtàu tơnguh wơl mờ bơtàu tơnguh lơh sa mpồl bơtiàn mờ ală Nghị quyết bơh Quôk hội dê bè 2, 3 rơndap broă lơh kuơmàng dà lơgar tus jơh nam 2023.
Bơh 2 nam lơh jat Nghị quyết sồ 43 nam 2022 bơh Quôk hội dê tàm càr Dăk Lăk neh lơh geh 2, 3 cồng nha pal cih dờp ngan, pơgồp bơnah tơrmù ƀà kal ke ai làng bol, mpồl lơh sa kă bro in, dong kờl rài lơh sa bơtàu tơnguh wơl mờ gơguh lơh sa.
Đơs tàm dơ̆ lơh broă, mò Lê Thị Thanh Xuân, Phó Kwang atbồ Mpồl kwang bàng Quôk hội càr Dăk Lăk jờng rơ bơta lơh ngan bơh Ủy ƀan Ñân zân càr dê neh lam lơh di tŭ, geh cồng nha, dong kờl rài lơh sa, dong kờl mpồl lơh sa kă bro, làng bol sơrlèt gan kal ke, bơtàu tơnguh lơh sa kă bro. Mờ kung sồr Ủy ƀan Ñân zân càr Dăk Lăk pơn jat tai bơ tơl, lơh sir jơnau yal jat di jơnau sồr.
Viết bình luận