Tàm ală tiah, bơta mờ cau tĕ khà sền gròi uă ngan rlau jơh gơ rềng tus bơta lơngăp lơngai cíñ trị mờ lơngap lơngai mpồl bơtiàn, ngan là tơnơ̆ broă gơlik geh tàm kơnhoàl Cư Kuiñ, càr Dăk Lăk. Ală cau tĕ khà đơs là, broă gơlik geh neh geh bơta sền gròi, bơsong di tŭ bơh mpồl lơh broă geh gơ noar mờ gơnoar atbồ dê, lơh gơlik bơta iang nùs, bơta ring bal bơh làng bol. Bulah bè hơ̆, do kung là broă ƀuơn ngan lơh gơ rềng, là jơnau bơsram nàng jơh gùt anih lơh broă cíñ trị pal sơlơ tơnguh rlau tai nùs nhơm tam klac, rơcang ngac mờ ală mpồl sò tơm.

Cih dờp mờ đơs niam ală jơnau đơs bơh cau tĕ khà dê, Mpồl kwang bàng Quôk hội càr Dăk Lăk neh sồr ală anih lơh broă geh gơnoar mờ ală tiah mblàng lơh loh. Gơ wèt mờ ală broă ndai, mpồl rơp tơrgùm, pơyua jơnau dan tus Quôk hội, Cíñ phủ mờ ală Ƀộ, Gah broă lơh dà lơgar tàm ală dơ̆ pơrjum pơn jat tai.