Dùl tàm ală broă gơlik geh pah ngai geh mpồl bơtiàn sền gròi tŭ do là bơta tam lah tam lơh tàm hìu bơsram. Lùp mờ Ƀộ trưởng Ƀộ Giáo zụk mờ Đào tạo bè bơta geh ngan do, kwang bàng Quôk hội mò Nguyễn Thị Xuân pà gĭt: kờp bal pah nam bơsram jơh gùt lơgar neh gơlik geh rlau 1 rbô 500 dơ̆ tam lah tam lơh tàm hìu bơsram mờ bơdìh hìu bơsram; di 5 rbô 200 nă kơnòm bơsram den geh tai 1 nă kơnòm bơsram tam lơh gơ̆p...Mò Nguyễn Thị Xuân dan mờ Cíñ phủ pal sền gròi rlau tai tus broă do.

Ƀộ trưởng Ƀộ Giáo zụk mờ Đào tạo ồng Nguyễn Kim Sơn đơs sùm, broă kwơmàng lơh geh bơnàng jă tờm nàng bơsong geh broă do hơ̆ là lam lơh gơ in niam ngan Broă lơh Bơto bơtê bal pa kâp nam 2018 bal mờ jơnau kờñ bơtàu tơnguh kòn bơnus, tơnguh uă nùs nhơm kòn bơnus Việt Nam. Pal sơlơ tơnguh tai bơta chài bơsong ală broă gơlik geh gơ wèt mờ să tờm kơnòm bơsram. Pal sơlơ bơto pơlam bè bơta chài bơsong ală broă gơlik geh gơ wèt mờ kơnòm bơsram. Mờr tus rơ̆p geh tai dùl broă lơh sùm bè bơto pơlam hwềng nùs kơnòm bơsram in.