Mpồl tàm pơrlòng sồ 3, tàm hơ̆ geh Mpồl rơndăp broă bơh 13 tỉñ ủy, thàñ ủy tàm tiah tàm gùl lơgar mờ Tây Nguyên. Bơh Mpồl rơndăp broă Thàñ ủy Đà Nẵng dê lơh mpồl atbồ. Nam 2023, Mpồl rơndăp broă ală tỉñ ủy, thàñ ủy tàm Mpồl neh lơh ngan ngồn, bơt bơtàu broă rơndăp lơh broă lơh nam, sac rơ wah ală kơ nòl broă tờm, tờm ngan, lơh broă rơndăp lơh geh ngan jat tơl nhai, tơl quý nàng tơr gùm cribơyai, lam lơh  jat broă lơh, broă rơndăp lơh geh ai.

Broă lơh bơt bơtàu, lam lơh bơt bơtàu Đảng, tơmut uă Đảng viên geh mpồl sền gròi ngan, neh geh uă broă lơh, broă lơh niam nàng tơnguh uă bơta niam pơrjum Ci ƀộ dê. Ală tiah neh lơh jat tam gơl pa sền sơ wì, săp khà đảng viên gàr geh bơta geh ngan, sền gròi lòt sền, jat sền, di tŭ lơh niam wơl ală bơta ờ niam, ờ di pơgồp bơnah lơh kràñ kơrnoat lơh glài, duh ròt kơrnoat boh lam ai broă lơh kwang bàng, đảng viên ngai sơlơ lơh broă lơh niam rlau.