Ngai chờ niam chài, tàp pràn să jan mờ lòt nhơl ală jơi bơtiàn kis tàm tiah Tây Nguyên geh uă broă lơh niam bơnĕ
Thứ sáu, 10:12, 17/11/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Mho òr (16/11), tàm ƀòn dờng Kon Tum, Mpồl bơyai lơh Ngai chờ niam chài, tàp pràn să jan mờ lòt nhơl ală jơi bơtiàn kis tàm tiah Tây Nguyên dơ̆ sơnrờp nam 2023 bơyai lơh Pơrjum ƀăo yal bè ngai chờ.
Broă lơh do geh Ƀộ Văn hoá, Thể thao mờ Zu lịc pơgồp bal mờ ờ uă Ƀộ, gah lơh broă dà lơgar mờ 5 càr tàm tiah Tây Nguyên, tàm hơ̆ geh: Kon Tum, Gia Lai, Dăk Lăk, Dăk Nông mờ Lâm Đồng bơyai lơh.
Mờ tơngu me “Brê bơnơm Tây Nguyên-Bơta niam tơrgùm bal”, tàm 3 ngai lơh chờ, geh bơyai lơh bơh ngai 29 nhai 11 tus ngai 01 nhai 12 tàm ƀòn dờng Kon Tum mờ ală kơnhoàl tàm càr Kon Tum dê. Kờp dŭ tus bal ngai chờ geh di pơgăp 1 rơbô nă cau chài, cau tàp pràn să jan tus bal. tus bal ngai chờ làng bol mờ cau năc geh tus bal tàm bơta niam chài cing mồng Tây Nguyên; sền ală dơ̆ pơrlòng bơh ală klao pơnu, ùr ơruh bơh ală broă tàp pràn să jan; sền ù tiah niam geh is, kòn bơnus tàm tiah hờ đah tô Tây Nguyên Kon Tum bơh broă tus bal ală dơ̆ lòt nhơl.
Viết bình luận