VOV4.K’ho - Pơnjat tai dơ\ lơh broă tàm Tây
Nguyên, ngai òr 09/03, ồng Phạm Bình Minh kuang jat jơng gơs gơnap gơnuar atbồ
hờđang rlau jơh dà lơgar, mơlà kuang atbồ gah cribơyai broă mờ lơgar ndai dà
lơgar bal mờ mpồl lơh broă bơh gơnuar atbồ lơgar dê neh geh dơ\ lòt sền ngan
ngồn tàm tiah nhàr lơgar mờ lơh broă mờ kuang đơng lam bồ càr Dak Lak bè bơta
bơtàu tơnguh lơh sa mpồl bơtiàn, broă cribơyai bal mờ lơgar ndai, tam cah nhàr
ù tiah nàng tồt `jrong mờ mut gơ rờm bal mờ ală lơgar. Đơs tàm dơ\ lơh broă,
ồng Phạm Bình Minh đơs niam broă tam klac dunia bơh càr Dak Lak dê, tàm hơ\ geh
4 mpồl lơh sa kă bro gam bơcri priă hờ lơgar ndai, mờ 5 rơndap broă tàm lơgar
Lào mờ lơgar Campuchia, kờp priă bơcri rlau 173 tơlak dôlar Mỹ. Bè broă tam cah
nhàr ù tiah nàng tồt `jrong, ồng Phạm Bình Minh pà git, tus tu\ do, Việt Nam
neh tồt `jrong mờ lơgar Campuchia geh rlau 80%. Dak Lak kung lơh niam broă do,
mờ broă lơh gơs 4 anih tồt `jrong, mờ 8 nơm `jrong tồt mờ neh tồt geh tai 34 nơm
`jrong bê tông. Broă cribơyai bal mờ lơgar cau càr Dak Lak dê, ngan là git gơp
lơh broă bal mờ càr Mondulkri lơgar Campuchia kung bè git gơp lơh broă bal đah
ală pôs ling sền gàr tiah nhàr dà lơgar đah 2 lơgar kơ\ ngan. Ồng Phạm Bình
Minh đơs tờm:“ Git gơp lơh broă bal đah
Việt Nam
mờ Campuchia kuơ màng ngan. Gùng dà broă lơh bal bol he dê là dong kờl, ai geh
bơta niam nàng mpồl lơh sa kă bro bol he dê bơcri priă, lơh broă sa tàm lơgar
Lào, lơgar Campuchia. Bơta dong kờl he dê tus mờ lơgar Lào, lơgar Campuchua là
dờng ngan, bơh kes priă dà lơgar dê tus ală càr, bol he pal ngui geh cồng nha.
Ngai do, a` lòt gơ rềng tus broă đal git ù tiah nàng tồt `jrong, mpồng nhàr
lơgar Chi Miết - Đak Ruê tềng anih tồt `jrong sồ 42. Broă do mờ dilah 2 lơgar
gơtùi pờ geh mpồng nhàr lơgar den kung ai geh bơta buơn bùai 2 lơgar in. tu\ mờ
pờ geh mpồng nhàr lơgar do den bơta tam klac bal kung dờng rlau, tu\ do bol he
gam tam klac bal phan bơna mờ ală lơgar ASEAN.”
ồng Phạm Bình Minh kuang jat jơng gơs gơnap gơnuar atbồ
hờđang rlau jơh dà lơgar lơh broa\ tàm càr Dak Lak
}au mblàng K’ Duẩn.
ồng Phạm Bình Minh kuang jat jơng gơs gơnap gơnuar atbồ
hờđang rlau jơh dà lơgar jàu pà pria\ tàm kes pria\ dong kờl cau gơbàn rềs àr sơnơm khih diôxin
Viết bình luận