. Càr Dăk Lăk gam lơh mhar tơngai hơ pơrgon lam lơh Rơndap broă lơh gùng ù gờl kềng gah dà lềng. Tus tŭ do, rơndap broă lơh neh jàu rlau 90% ù lơh rơndap broă. Bulah bè hơ̆, tơngai lam lơh broă lơh dờng 45 ngai mang ờ gam uă tai, càr gam sồr ală ƀòn lơgar, gah lơh broă geh gơnoar mhar tă bơsong ală bơta gơ kòl, hơ pơrgon ờ lơh gơ rềng tus tơngai hơ pơrgon lam lơh rơndap broă lơh.

Rơndap broă lơh gùng kềng gah dà lềng càr Dăk Lăk jòng rlau 25 kơi sồ, kờp jơh priă bơcri priă mờr 3 rbô 800 tơmàn đong, kờñ pal ai wơl mờr 125 lồ ù bơh rlau 1 rbô 500 hìu bơnhă làng bol dê. Tus tŭ do, ală ƀòn lơgar neh jàu rlau 21 kơi sồ, ndrờm mờ mờr 114 lồ, geh rlau 90% bă ù kờñ pal ai wơl. Lòt sền tơngai hơ pơrgon lam lơh tàm ngai 17/8, mò Hồ Thị Nguyên, Phó Chủ tịch Duh broă sùm Anih duh broă Làng bol càr Dăk Lăk sồr ală sờh, gah broă lơh mờ ƀòn lơgar jal mhar lơh sir bơnah broă geh jàu; tơrgùm bơsong ală bơta gơ kòl, sơlơ tàm pơgồp bal, ờ lời gơlik geh bơta tàm tuh kơnòl lơh lơyài tus tơngai hơ pơrgon lơh rơndap broă lơh.