Tàm Anih cribơyai Lam lơh lòt nhơl ală lơgar nam 2026 mờ tơngume “Lơh mhar gơ hòi gơ jà nac lòt nhơl ală lơgar tus Việt Nam: Drà pa - Phan pa - Lơh bal pa”, Ală mpồl lơh lòt nhơl Việt Nam pà git, tơnơ̆ tơngai bơtàu tơnguh wơl pràn ngan, lòt nhơl Việt Nam gam mut tàm tơngai gơguh tai pa, sồr tam gơl bơh jơnau kờñ tơnguh khà gơ gơs gơguh tai geh bơta sac rơ wah, bơta niam mờ jat tàm bơta lơh bal.

Ală jơnau tàm bơyai tàm Anih cribơyai neh tơrgùm tàm jơnau kờñ drà nac lòt nhơl ală lơgar, gơnoar broă mpồl lam lơh lòt nhơl dê tàm lơh bal gùng rơndeh par - lam lơh lòt nhơl - anih tus mờ ai Gia Lai mut tàm sră wac rùp phan lòt nhơl ală lơgar Việt Nam dê. Gơwèt mờ Gia Lai, broă bơyai lơh Anih cribơyai geh kuơ dờng màng ngan tàm tŭ tơngai ƀòn lơgar gam rề ơnàng ù tiah bơtàu tơnguh lòt nhơl, tàm tơrbŏ bal dà lềng Quy Nhơn mờ tiah kơh bơnơm Tây Nguyên, pơgồp bal lòt nhơl ơm rlô să, brê bơnơm, sền git mờ niam chài.