Broă lơh bơto pơlam, sền gĭt jơnau bơsram geh bơyai lơh bơh ngai 17/8/2026 mờ bơta tus bal bơh 63 nă cau bơsram là ală Kwang bàng Mpồl Duh broă Đảng dà lơgar. Broă lơh nàng kờñ sền gĭt ală tơngume jơnau tàm pơ àr, bơta geh ngan pa ngan rlau jơh, tơnguh uă bơta pràn jak đơng lam, atbồ ai mpồl kwang bàng kwơ màng bơh Đảng dê tàm tơngai pa.

Ồng Tô Lâm, Tổng Bí thư, Chủ tịch lơgar đơs loh, ơdŭ bơto pơlam geh bơyai lơh tàm nam sơn rờp lam lơh Jơnau lơh nền tàm pơrjum bơh pơrjum dờng dơ̆ XIV Đảng dê. Kơnòl broă lơh nền tŭ do là bơyai lam lơh: lơh gùng dà broă lơh gơ gơs broă lơh gơtùi lơh jat ngan ngồn, lơh broă ring bal mờ cồng nha geh ngan; lơh ai bồ tơngoh bơh Đảng dê tam gơl gơ gơs bơta bơtàu tơnguh bơh Dà lơgar mờ rài kis niam bơnĕ rlau tai bơh Làng bol dê. Tổng Bí thư, Chủ tịch đơs sùm, tơl nă cau bơsram ờ mìng là đơng lam bồ dùl gah, gah broă halà ƀòn lơgar dê lơm mờ gam là cau tàm Mpồl duh broă dà lơgar- anih lơh broă đơng lam bồ dờng ngan rlau jơh bơh Đảng dê tàm 2 dơ̆ pơrjum dờng. Den tàng, pal kơlôi sơnơng tàm gơnoar broă gùt lơgar, lơh broă tài bơta kwơ bal, bal mờ Dà lơgar kong kơnòl tềng đăp Đảng, tềng đăp làng bol bè ală jơnau lơh nền dờng màng mờ rài tơnơ̆ do dà lơgar dê.