Đơs tàm dơ̆ lơh broă, ồng Tô Lâm, Tổng Bí thư, Chủ tịch lơgar đơs niam jơnau kờñ ai Hìu bơsram kơlôi sơnơng tus nam 2030 mut tàm mpồl 5 hìu bơsram sồ dùl bè bơto bơtê măi mok tàm Việt Nam, rơhời gơ gơs là “Tơngoh jak chài măi mok” bơh mpồl Kwang àng làng bol dê. 

Ồng Tô Lâm, Tổng Bí thư, Chủ tịch lơgar sồr Hìu bơsram kơlôi sơnơng tơrgùm tam gơl pa jơnau bơto bơsram, broă lơh bơto bơtê; sơlơ tơnguh tai pơlam lơh ngan ngồn, tơrlòng ngan ngồn, ai lơh pơn yơu; lơh pràn kơlôi sơnơng, ngui mờ tàm jàu măi mok, pơgồp bal mờ jơnau sồr gàr niam lơngăp lơngai, rơndap tap sèng, tam gơl sồ mờ bơt bơtàu măi mok sền gàr lơngăp lơngai.