Tàm dơ̆ tìp mat, ală cau pơgru, cau bơsram dờng bơh Hìu bơsram Đại họk Dà Làc neh dan uă tơngume gơ rềng tus bơto bơsram, broă lơh priă nhai, broă dong kờl cau pơgru, ai geh broă lơh cau bơsram dờng in tơnơ̆ tŭ lik klờng, sră nggal tơm priă ală broă lơh kơlôi sơnơng jak chài… gam gơtìp uă kòl yan mờ ờ niam. Tàm hơ̆, jal mhar ngan rlau jơh là bơta cau bơsram dờng, cau kơlôi sơnơng sền gròi tus gah khoa họk kuơmàng gam gơmù uă ngan.

Ala mat Mpồl kwang bàng Quôk hội càr Lâm Đồng, ồng Phan Đình Trạc cih dờp ală jơnau đơs, jơnau dan bơh cau tĕ khà dê, mờ kung pà git rơp yal tus Quôk hội tàm pơrjum dơ̆ 6 mờr tus. Di dơ̆ do, Mpồl kwang bàng Quôk hội càr Lâm Đồng neh jàu 20 bơnah priă dong kờl bơsram, tơl bơnah geh 10 tơlak đông ai cau bơsram dờng hìu bơsram Đại họk Dà Làc geh rài kis kal ke mơya neh pơn đơl pràn lơh ngan brồ guh lơh geh cồng nha jak tàm broă bơsram sră.