Tàm dơ̆ cri bơyai, ồng Trần Cẩm Tú đơs nền, bàr lơgar Việt Nam mờ Lo là bàr lơgar rềp bal, đềt mềr, geh uă bơta ndrờm bal bè niam chài, geh bơhiàn git gơ̆p, lơh bơyô bơh jŏ rài, là bàr lơgar xã hội củ nghĩa geh Đảng Kộng sản đơng lam. Đảng, Dà lơgar mờ Làng bol lơgar Việt Nam sùm sền bơta git gơ̆p mờ lơgar Lo là broă rơwah jŏ jòng, ai lài tàm gùng dà broă lơh bal mờ lơgar ndai bơh lơgar Việt Nam dê. Ồng Triệu Lạc Tế đơs nền, Đảng, Cíñ phủ lơgar Lo sền lơgar Việt Nam là gùng dà broă lơh lài ngan tàm broă lơh bal mờ lơgar ndai lơgar rềp bal dê, pin dờn dơ̆ tus còp geh pơgồp bal kwơ màng tàm broă pơn jăt tai lơh geh mùl màl jơh mờ lơh jăt jơnau git bal đah bàr ồng Tổng Ƀí thư bàr Đảng dê.