Ồng Võ Văn Thưởng, Kwang bàng lơh broă tàm Ƀộ Cíñ trị, Duh broă sùm Ƀan Ƀí thư Đảng Dà lơgar dê neh tus mờ đơs sồr lơh tàm dơ̆ bơyai lơh tơngkah do. Đơs tàm dơ̆ bơyai lơh tơngkah kir sơnrai, ồng Võ Văn Thưởng đơs sùm: Nàng càr Kon Tum in pơn jăt tai bơtàu tơnguh mhar mờ kơ̆ kơl jăp, ồng yal bàr pe tơngume nàng ală kâp ủy, mpồl đảng, gơnoar ătbồ, mặt trận dà lơgar, mpồl càr càr Kon Tum sền gròi tàm tơngai tus, hơ̆ là: ală kâp ủy, mpồl đảng, tơl nă kwang bàng, đảng viên mờ làng bol ală jơi bơtiàn tàm càr pal gĭt wă wil tơl gơnoar broă, broă lơh, bơta pràn, bơta ƀươn kung bè ală kal ke, bơta lòng bơh càr he dê; ngui niam ngan rlau jơh bơhiàn ờs mờng bơh yau niam chài, jơnau kah yau, kăc màng bơh càr dê, lơh tơngkah wơl pràn kơldang bơta kơ̆p kờñ, kờñ ngan brồ guh, tam gơl gơ gơ gơs bơta pràn, gơ gơs broă lơh ngan ngồn bơh tơl mpồl đảng, bơh tơl nă kwang bàng, đảng viên mờ làng bol dê, tơrgùm bal pràn, dùl nùs bal, sơrlèt gan jơh ală kal ke bơ̆t bơtàu ƀòn lơgar Kon Tum bơtàu tơnguh mhar, kơ̆ kơl jăp mờ niam bơnĕ rlau.