Broă sac rơwah mờ hòi jà làng bol lòt ling neh geh ală tiah lơh jat niam, niam ngan, gàr geh làng bol lơh tờm, ring bal, loh làng di mờ jơnau sồr bơh Adat lơh kơnòl broă ling klàng dê. Tus tŭ do, jơh 8 kơnhoàl, ƀòn dờng tàm càr Dăk Nông neh lơh sir ală broă sac rơwah kung bè pơgồp bal ring bal sră cih mat, sră nggal mờ ală mpồl dờp ling mờ ai kơrnoat hòi jà lòt ling, rcang ai ngai chờ lòt ling in.

Thiếu tá Phan Huy Hùng, Kwang atbồ Mpồl đơng lam ling klàng ƀòn dờng Gia Nghĩa, càr Dăk Nông, pà gĭt: tàm dơ̆ sa tềp dà lơgar Qúy Mão, kấp ủy, gơnoar atbồ ală tiah ală kấp mờ ală mpồl cíñ trị, mpồl bơtiàn bơyai lam uă mpồl lòt còp, pơndờm pơnđiang ơruh pơnu kung bè hìu bơnhă geh oh kòn lòt ling nam 2023. Bơh hơ̆, kung sền gĭt loh nùs nhơm, bơta kơ̆p kờñ, mơkung tă bơsong bơta kal ke kòl yal, lơh geh ală bơta ai ơruh pơnu in iang nùs lơh broă.