Phó Củ tịc lơgar mò Võ Thị Ánh Xuân bal mờ mpồl kwang bàng neh tus chu ñàng, ơn bơkàu tàm Hìu duh khoai Củ tịc Hồ Chí Minh mờ tam chi kir sơnrai tàm Tiah tềl kah yau dà lơgar kuơmàng Pác Bó (xã Trường Hà, kơnhoàl Hà Quảng). Tàm dơ̆ lơh broă, Phó Củ tịc lơgar neh pà 20 nơm hìu ai hìu bơnhă rƀah in; pà 50 bơnah phan ai hìu bơnhă geh sră dong kờl bơh dà lơgar mờ 200 nă kơnòm bơsram geh rài kis kal ke brồ guh bơsram sră tàm kơnhoàl Hà Quảng in.

Cih dờp ală bơta lơh ngan, bơta pơn đơl pràn mờ cồng nha bơtàu tơnguh lơh sa mpồl bơtiàn bơh Hà Quảng dê kung bè bơh càr Cao Bằng dê neh lơh geh tàm tơngai lài, Phó Củ tịc lơgar mò Võ Thị Ánh Xuân tơngkah kơnhoàl mờ càr pal pơn jat tai hòi jà ală bơnah priă tă pơgồp nàng gròi sền rài kis làng bol in, đòm jat bơhiàn ƀòn kac màng, ngui niam bơta pràn, bơta ƀuơn mùl geh nàng gơ hòi gơ jà bơcri priă, bơtàu tơnguh lơh sa, tơnguh niam rài kis làng bol.