Tàm broă lơh, Phó Củ tịc lơgar mò Võ Thị Ánh Xuân neh jơh nùs pơndờm pơnđiang, lùp còp mờ bal mờ cau ala mat cau dong kờl jàu 50 nơm rơndeh coh, 100 bơnah priă bơsram ai 150 nă kơnòm dềt geh rài kis kal ke tàm kơnhoàl Thanh Hà in mờ kờp jơh khà priă rlau 260 tơlak đong.

Ai Kes priă sền gàr dong kờl kơnòm dềt lơgar Việt Nam jàu pà kờp jơh 100 nơm rơndeh coh, uă bơnah phan pà mờ ală bơnah priă bơsram mờ kờp jơh khà priă rlau 1 tơmàn 300 tơlak đong ai kơnòm dềt geh rài kis kal ke tàm càr Hải Dương in. Bơh bồ nam tus tŭ do, Kes priă sền gàr dong kờl kơnòm dềt Việt Nam neh hòi jă tă pơgồp geh 20 tơmàn đong nàng bơyai lơh ală broă lơh geh ngan dong kờl ai kơnòm dềt geh rài kis kal ke in, bè: jàu priă bơsram, pà rơndeh coh, tơrmù uă ngan rlau jơh rềs àr sồt să, rcang sơndră bŭ dà, dong kờl ală tiah in lam lơh ală broă lơh Nhai lơh broă tài kơnòm dềt...