Pah ngai dờp bơh 3 rbô 500 tus 4 rbô 500 nă kơnòm dềt lòt kham kòp, Hìu sơnơm kơnòm dềt dà lơgar sùm geh mờr 2 rbô nă kơnòm dềt sơm kòp piam tàm hìu sơnơm. Do là Hìu sơnơm mìng khoa kơnòm dềt kâp dut ndơl den tàng geh uă oh kòp jroă, kal ke. Pơn jờng kwang bàng, viên chức hìu sơnơm tơrgùm sơm ală sau dềt in, Phó Củ tịc lơgar mò Võ Thị Ánh Xuân tơngkah: mpồl ƀák sĩ pal geh nùs nhơm, mờ pal jak chài tàm broă lơh, bềng lìu nùs nhơm niam cau lơh sơnơm dê nàng gròi sền kơnòm dềt…

Phó Củ tịc lơgar mò Võ Thị Ánh Xuân neh jàu 50 tơlak đông nàng Hìu sơnơm Kơnòm dềt dà lơgar dong kờl kơnòm dềt kòp geh rài kis uă kal ke, mờ kung bal mờ ală kwang bàng ala mat Kes priă sền gàr dong kờl kơnòm dềt Việt Nam, Kes priă dong kờl cau kòp ung thư- Ngai hìng àng gơ crà pà 200 bơnah phan ai ală kơnòm dềt kòp geh rài kis kal ke tàm Anih tờm kòp ung thư mờ Anih tờm gah bồ tơngoh in.