Đơs tàm dơ̆ wă, Phó Củ tịc lơgar mò Võ Thị Ánh Xuân đơs niam mờ pơn jờng ală cồng nha mờ cau ùr Ƀộ Kế hoạc mờ Đầu tư neh lơh geh, pơgồp bal dờng màng tàm broă bơtàu tơnguh dà lơgar dê. Mờ broă sền gròi bơh Đảng, Dà lơgar, uă nam do, cau ùr Việt Nam ngai sơlơ geh gơguh bơngă, gơnoar bơh să tờm, geh mpồl bơtiàn dờp tơl rơlao, mờ geh lơh broă, geh pơgồp bal uă rơlao tai tus mờ broă bơ̆t bơtàu mờ sền gàr Dà lơgar. Phó Củ tịc lơgar mò Võ Thị Ánh Xuân hòi jà Ƀộ Kế hoạc mờ Đầu tư sền gròi rơlao tai tus oh mi cau ùr, ai geh tiah niam lơh broă, bơta niam bơtàu tơnguh cau ùr in, ai geh bơta pràn, bơta gơboh nàng cau ùr lơh geh uă ngan.