Mho ngai 30/5, tàm Hìu lơh broă Củ tịc, Phó Củ tịc lơgar mò Võ Thị Ánh Xuân neh rềp mềr wă Mpồl kwang bàng kâp dờng Mpồl duh broă Mặt trận Tam klac bơtàu tơnguh dà lơgar Campuchia bơh ồng Nhem Valy, Ủy viên Đảng Làng bol lơgar Campuchia, Phó Củ tịc Thường trựk mờ là Kwang gơnoar cih Mpồl duh broă mặt trận Tam klac Bơtàu tơnguh dà lơgar Campuchia lơh kwang atbồ mpồl gam ơm còp mờ lơh broă tàm lơgar Việt Nam.

Tàm dơ̆ wă, Phó Củ tịc lơgar đơs nền, Việt Nam sùm sền dờng màng mờ lời ai bơta gròi sền lài ngan uă ai broă sơlơ tơnguh bơta git gơp lơgar rềp bal niam bơnĕ, lơh bơyô ờs mờng, lơh broă bal tơl làm, kơ̆ kơljap jŏ jòng đah Việt Nam mờ Campuchia. Đơs niam bơta lơh broă bal đềt mềr đah Mặt trận dà lơgar 2 lơgar tàm tơngai lài, Phó Củ tịc lơgar kơp kờñ tàm tơngai tus, Mặt trận 2 lơgar pơn jat tai pơgồp bal jơh nùs, lam lơh jat geh cồng nha ală jơnau ring bal, lơh broă bal neh kĭ, ngui niam gơnoar broă Mặt trận 2 gah tàm bơta git gơp lơh broă bal đah 2 Đảng, 2 dà lơgar mờ làng bol 2 lơgar kung bè tàm lơh broă bal đah ală càr, ƀòn dờng, ngan là ală càr tiah nhàr bơh 2 lơgar dê.