Còp mờ pơndờm pơnđiang kwang bàng, cau ling Tiểu đoàn Ƀộ ƀiñ 1, gơwèt Trung đoàn 754, Gah đơng lam Mpồl ling klàng càr Sơn La, Phó Củ tịc lơgar jờng rơ ngan bơta lơh ngan bơh kwang bàng, cau ling dê neh sơrlèt gan jơh ală kal ke, pơđơl pràn lơh gơs jak ngan jơh ală kơnòl broă geh jàu.

Phó Củ tịc lơgar sồr mpồl phàu crong càr Sơn La đơs bal, Tiển đoàn Ƀộ ƀiñ 1 đơs is pơn jăt tai rơcăng lài gĭt nền, yal lài di broă; rơcăng lài tă pơgồp jơnau đơs mờ kâp ủy, gơnoar ătbồ tiah do, Quân khu 2 mờ Ƀộ Quôk phòng bơsong di tŭ ală jơnau digơlan gơlik geh, ờ gŏ di lời gơtìp rơmơ̆p ndơl nisơna. Di tàm dơ̆ do, Phó Củ tịc lơgar Võ Thị Ánh Xuân neh jàu pà 30 bơnah phan ai ală hìu bơnhă geh rài kis kal ke in, 20 bơnah phan ai ală kơnòm bơsram geh rài kis kal ke in tàm ù tiah ƀòn dờng Sơn La; jàu pà priă dong kờl lơh 10 nơm hìu tam klăc dờng ai càr Sơn La in.