Phó Củ tịc lơgar Võ Thị Ánh Xuân tơlik nùs nhơm chờ hờp tŭ gŏ rài kis bơh làng bol tàm ƀòn dê bơtàu tơnguh loh làng ngan, priă lơh geh kờp dùl nă cau geh rlau 60 tơlak đong dùl nam; ƀòn mìng gam 2,49% hìu rƀah mờ 6,53% hìu mờr ndrờm bè hìu rƀah; bơta lơngăp lơngai cíñ trị, rơndăp tăp sèng lơngăp lơngai jơh gùt mpồl bơtiàn tàm ƀòn kơ̆ kơl jăp.

Phó Củ tịc lơgar sồr kâp ủy, gơnoar ătbồ, ală mpồl cíñ trị- mpồl bơtiàn càr Bạc Liêu sơlơ tơnguh tai broă mblàng yal, tơnguh uă bơta gĭt wă bè gơnoar broă, broă lơh bơh Mặt trận Dà lơgar Việt Nam dê tàm broă lơh bơ̆t bơtàu mờ sền gàr Dà lơgar. Bơh ală broă lơh ngan ngồn nàng bơto bơtê nùs nhơm kờñ gơboh dà lơgar, bơhiàn khin cha jak chài, bơta kơ̆p kờñ pơnđơl pràn is, kơnờm tàm bơta pràn is, adat bơhiàn ờs mờng bơh yau niam bơnĕ bơh jơi bơtiàn dê; kwơmàng pal geh bơta gĭt wă jrô bè bơhiàn ờs mờng bơh yau bơh kơnhoàl ù tiah mờ kòn bơnus Bạc Liêu dê, ơn bơta pin dờn kơ̆ kơl jăp tàm bơta bơtàu tơnguh bơh dà lơgar, bơh càr dê tàm ală nam tus.