Phó Củ tịc Quôk hội kơ̆p kờñ làng bol tiah kơh bơnơm tiah nhàr lơgar pơn jat tai lơh jat niam nùs nhơm tam klăc bal, tàm kờñ gơboh, dong kờl bal bơtàu tơnguh lơh sa, sền gàr brê mờ brồ uh lơh pas bơh brê. Tiah làng bol ơm kis A Liêng, xã Tà Bhing geh 207 hìu bơnhă mờ 810 nă cau gơwèt ală jơi bơtiàn kòn cau Ve, Jeh Triêng, Khơ Mú, Yoan… mìng is kòn cau Cơ Tu geh tus 80% khà kờp làng bol. Nam 2023, rài kis phan bơna, nùs nhơm bơh làng bol dê geh yờ tơnguh, bơta kờñ gơboh bal tàm ƀòn lơgar ngai sơlơ tam klăc bal. Làng bol tàm tiah làng bol ơm kis A Liêng, xã Tà Bhing tam klăc dong kờl bal bơtàu tơnguh lơh sa suơn, pơgồp bal mờ ròng uă phan poan jơng, iar, ada. Ală broă lơh “Hìu bơnhă kờñ ngan bơsram sră” geh lơh uă mờ rề ơnàng uă.

Di dơ̆ do, Phó Củ tịc Quôk hội ồng Nguyễn Đức Hải neh jàu 10 nơm hìu tam klăc dờng pà ală hìu bơnhă rƀah, hìu bơnhă geh rài kis kal ke tàm xã Tà Bhing, kơnhoàl Nam Giang in, tơl nơm hìu kờp priă 60 tơlak đong; pà uă phan pà ai kơnòm bơsram, cau rƀah, cau geh bơngă pin dờn mờ hìu bơnhă geh dà kơl hề mờ dà lơgar in tàm xã Tà Bhing.