47 nam do, tàm pơrdờn mờ ngui niam bơhiàn bơh Mpồl ling Trường Sơn dê, Ƀiñ đoàn 12- Anih lơh broă tiah tàm gùl lơgar pa lơh niam broă lơh jòi rồ ƀồm, mền, phan bơr toh, mơkung rề ơnàng gah broă lơh sa kă bro. Mpồl ling neh tus bal mut lơh mờ lơh sir niam ngan ală broă bơt bơtàu gùng lòt, bơtơ̆t rƀòng dà tàm tơl tiah Dà lơgar dê gàr geh tŭ tơngai, bơta niam, lơngap lơngai mờ geh cồng nha.

Tàm dơ̆ lơh broă, Phó Củ tịc Quôk hội ồng Trần Quang Phương sồr Kwang bàng, cau ling Ƀiñ đoàn 12 bơsram lơh jat tơl làm kơnòl broă cíñ trị mờ Quân ủy Dà lơgar jàu, lơh broă lơh sa, mơkung pơlam tàp rcang lài tam lơh. Tŭ do, Đảng, Dà lơgar, làng bol neh pin dờn jàu Ƀiñ đoàn 12 lơh bàr pe broă bơt bơtàu tờm bơh Dà lơgar dê. Phó Củ tịc Quôk hội sồr Ƀiñ đoàn 12 pal lơh sir mờ mìng geh gơnoar lơh sir niam ngan, bañ lời lơgơlik geh khat dùl bơta tìs lơi. Tàm tŭ lơh kơnòl broă, pal sền gròi ngan bơta niam broă bơt bơtàu dê, pal kờp sền tus bơta bơta kwơ kơ̆ kơljap.