Đơs tàm pơrjum, Phó Củ tịc Quôk hội ồng Trần Quang Phương đơs sùm, Quôk hội neh ring bal Jơnau lơh nền tàm pơrjum bè bơyai lơh gơnoar atbồ tiah drà mờ lơh tơrlòng lài bàr pe broă lơh, broă dong kờl krơi is bơtàu tơnguh ƀòn dờng Đà Nẵng. Jơnau lơh nền tàm pơrjum do geh gơtha kwơ màng ngan, lơh geh ală tơngume adat boh lam geh cồng nha ngan nàng Đà Nẵng in lơh jat bơta ƀuơn, bơt pràn, bơtàu tơnguh pràn bè lơh sa- mpồl bơtiàn, lơh ngan ngồn ală nùs nhơm, jơnau kờñ tàm Jơnau lơh nền tàm pơrjum sồ 43 bơh Ƀộ Cíñ trị dê bè bơta bơtàu mờ bơtàu tơnguh ƀòn dờng Đà Nẵng tus nam 2030, rơndăp broă tus nam 2045.

Phó Củ tịc Quôk hội ồng Trần Quang Phương tơngkah, broă lam lơh jat Jơnau lơh nền tàm pơrjum mờ broă lơh dong kờl uă ngan, tàm uă gah kung ai tơlik ală bơta lòng dờng ngan ai ƀòn dờng in, is ồn là gơwèt mờ Mpồl duh broă làng bol ƀòn dờng dê jơh bal mờ bơta niam ai lơh jat sră nggal kung bè tŭ tơngai bơt bơtàu. Bè broă dong kờl bè lơh tơrlòng lài tơlik mat Tiah kă bro khat gơboh tàm Đà Nẵng, Phó Củ tịc Quôk hội ồng Trần Quang Phương đơs sùm nàng lơh gờñ mờ ai lơh jat gơtùi Jơnau lơh nền tàm pơrjum sồ 43 sồr Mpồl duh broă làng bol, mờ Mpồl Mpồl duh broă làng bol pal mut lơh bal bơh gờñ.