Đơs tàm dơ̆ tìp măt, Phó Củ tịc Duh broă sùm Quốk hội Trần Thanh Mẫn dờp, pơn jờng mờ đơs niam ală cồng nha broă lơh geh tơngŏ niam bơh Mpồl Phan lời wơl Niam chài Việt Nam dê tàm tơngai do.

Phó Củ tịc Duh broă sùm Quốk hội đơs nền tus mờ gùng dà broă lơh sùm bơh Đảng, Dà lơgar he dê là bơtàu tơnguh bơta niam chài lòt bal mờ broă gơguh lơh sa, mờ bơta gơguh jăk bal mờ bơta ndrờm bal mpồl bơtiàn dê. Tàm hơ̆ kwơ màng ngan, Adăt Phan lời wơl niam chài là sră nggal kwơ màng, ai geh adăt boh lam nàng sền gàr, ngui niam bơta kwơ phan lời wơl niam chài mờ tơnguh bơta pràn atbồ dà lơgar, tơnguh kơnòl bơh Làng bol dê tàm broă tus bal sền gàr mờ ngui bơta kwơ phan lời wơl niam chài.