Phó Thủ tướng ồng Lê Minh Khái đơs sùm: Cíñ phủ Việt Nam sùm pơn jờng ală mpồl lơh sa kă bro lơgar Hàn Quôk bơcri priă pa mờ sơlo bơcri uă rlau tai priă, ngan là tàm ală gah lài ngan bè bơtàu tơnguh phan bơna bơt bơtàu, lơh gơlik phan bơna điện tử kông nghệ kao, cất ƀán zẫn, dữ liệu dờng, kông nghệ siñ họk, tiah drà ngăc ngar; sền gròi tàm jàu kông nghệ tờm.

Lơgar Việt Nam jờng rơ uă ngan broă lơgar Hàn Quôk pơn jat tai sền lơgar Việt Nam là “lơgar lơh broă bal kwơ màng” bè ODA mờ ală rơndap broă lơh lơh broă bal bơtàu tơnguh bơh lơgar Hàn Quôk dê lơh geh bơta gơn kơnờm bơtàu tơnguh lơh sa- mpồl bơtiàn tàm uă tiah, ală tiah tàm gùt lơgar dê. Phó Thủ tướng sồr, lơgar Hàn Quôk pơn jat tai rề ơnàng rlau tai bơta dong kờl ờ tơm wơl ai lơgar Việt Nam in, ngan là tàm ală gah kơlôi sơnơng bơtàu tơnguh (R mờ D), tam gơl pa bơeh lơh...; kơ̆p kờñ Phó Thủ tướng mơkung là Ƀộ trưởng Ƀộ Kiñ tế Tài Cíñ lơgar Hàn Quôk dê ồng Choo Hyung Ho pơn jat tai sền gròi, đơng lam ală anih lơh broă lơgar Hàn Quôk pơgồp bal mờ ală anih lơh broă lơgar Việt Nam nàng sồr lam lơh jat geh cồng nha ală cồng nha dơ̆ pơrjum Cribơyai dơ̆ 2 tàm tơngai tus.