Phó Thủ tướng ồng Lê Minh Khái sồr 2 gah pơgồp bal niam, lam lơh jăt gơtùi “Broă lơh lơh broă bal lơgar Việt Nam mờ Thụy Sĩ tơngai bơh nam 2021- 2024”, mờ ală broă lơh lài là sơlơ tơnguh tai pràn jak tàm pơrlòng ai tiah lơh sa is làng bol in, bơtàu tơnguh lơh sa bồ tơngoh ngac ngar, rơcăng lài mờ ală bơta lòng pa bè bơtàu tơnguh mờ tam gơl nhơm trồ tiah.

Lơgar Việt Nam kơ̆p kờñ pơn jăt tai dờp geh bơta dong kờl bơh lơgar Thụy Sĩ dê gơ wèt mờ broă lơh ngan bơtàu tơnguh kơ̆ kơl jăp bơh lơgar Việt Nam dê tàm tŭ tơngai tus, ngan là tơnguh uă pràn jak tàm pơrlòng bơh tiah lơh sa is làng bol dê, lơh broă bal mpồl lơh sa kă bro...Kơ̆p kờñ lơgar Thụy Sĩ tam pà bal bơta mờng chài, dong kờl lơgar Việt Nam bơ̆t bơtàu ală anih bơto bơtê cồng nha uă. Ƀộ trưởng Ƀộ Lơh sa, Bơto bơtê mờ Kơlôi sơnơng lơgar Thụy Sĩ ồng Dominique Paravicini gơn kơnờm mờ pin dờn tàm tơngai tus, mpồl lơh sa kă bro lơgar Thụy Sĩ dê rơ̆p geh măt uă rlau tàm lơgar Việt Nam mơkung kơ̆p kờñ tàm drà kă bro lơgar Thụy Sĩ rơ̆p geh mat uă rlau ală phan bơna niam ngan tus lơgar Việt Nam.