Rơndăp broă lơh bơnah 4 kờp jơh geh bơta jòng rlau 58 kơi sồ, kờp jơh priă bơcri lơh 12 rơbô tơmàn đong. Bơh tŭ lam lơh rơndăp broă lơh tus tŭ do neh ai rlau 2 rơbô 745 tơmàn đong. Mìng is broă rơndăp lơh priă bơcri lơh nam 2024 là rlau 2 rơbô 322 tơmàn đong. Tŭ do, sền bal là neh lơh sir broă tàm jàu ù mut lơh rơndăp broă lơh dê.

Tàm tơngai pa do, càr Sóc Trăng neh sồr ală cau bơcri priă tơrgùm lam lơh mut lơh kràñ cê jơh nùs lơh di tŭ tơngai ală rơndăp broă lơh dê. Is ồn càr neh lam lơh dơ̆ pơrlòng uă ngan “15 ngai mang lơh mhar tơngai mut lơh rơndăp broă lơh bơnah 4 gơwèt rơndăp broă lơh bơcri priă lơh broă lơh gùng rơndeh lòt mhar Châu Đốc- Cần Thơ- Sóc Trăng tơngai dơ̆ 1”. Mpồl atbồ rơndăp broă lơh 2 neh sồr mpồl lơh broă mut lơh sơlơ tơnguh mpồl cau, phan bơna măi mok lam lơh 3 dơ̆ 4 mpồl cau” lơh broă gan ngai lơh chờ dà lơgar, gan tơngai sa tềp nàng lơh geh di tŭ tơngai rơndăp broă lơh in lơh geh di ală tơngai geh ai jat jơnau sồr dê.