Wă Đại sứ lơgar Mỹ tàm lơgar Việt Nam Marc E. Knapper Phó Thủ tướng ồng Trần Hồng Hà đơs là, tơngai do, bơta git gơ̆p, lơh broă bal đah lơgar Việt Nam mờ lơgar Mỹ ngai sơlơ nền nòn mờ broă lơh jăt broă lơh bal ală broă lơh tơrgùm bal bè broă sơndră mờ tam gơl trồ tiah, tơmù hoàc huơr bơh bơta ƀơ̆ sơnơm dioxin, tam gơl năng lượng ndrờm bal (JETP)... Phó Thủ tướng ồng Trần Hồng Hà đơs tờm: ală bơta tàm gùt plai ù là bơta tờm lơh broă bal kwơ màng đah lơgar Việt Nam mờ lơgar Mỹ, lơh pràn bơta git gơ̆p mùl màl, nền nòn, cèng wơl geh bơta kwơ ai làng bol bàr lơgar in, mờ pơgồp bal bơsong ală bơta tàm gùt plai ù.

Wă Đại sứ lơgar Hà Lan tàm lơgar Việt Nam ồng Kees van Baar, Phó Thủ tướng ồng Trần Hồng Hà đơs là: Tàm tơngai tus, bàr lơgar pal pờ ơnàng broă lơh bal, bơh tŭ hơ̆ geh gơguh, ai geh bơta pràn, lơh bơnàng jă broă lơh bal tàm tơngu me pin dờn bal, lơh geh cồng nha. Phó Thủ tướng pơn jờng ală gah lơh broă, mpồl lơh sa kă bro lơgar Hà Lan tus bal broă tơrlòng crăp ồs đèng măt tơngai hờ đang rơkàng hìu bơh anih lơh broă dà lơgar, hìu bơsram, hìu sơnơm, broă lơh mpồl bơtiàn; tus bal rơndăp broă tơrlòng lơh tàm lơgar Việt Nam nàng pơgồp bal tàm broă lơh gơs jăt jơnau kờñ rơwah cau bơcri priă; kơrnoăt kơlôi sơnơng, tam jào kông nghệ; sền wơl cồng nha lơh broă, gàr niam bơta lơngăp lơngai dà lơgar.