Tàm dơ̆ wă rò, Phó Thủ tướng ồng Trần Hồng Hà neh cribơyai mờ Giáo sư ồng David Rogers bè ală bơta lòng gơlik geh tàm tŭ tam gơl jrô ơnàng làm uă bơh rài lơh sa- mpồl bơtiàn gùt plai ù dê, bơh broă lơh lơh sa yau, ờ kơ̆ kơl jăp tŭ kơnờm tàm phan kwơ tàm ù, mpồl cau lơh broă ờ pràn jak tus lơh sa tơlir, các- bon ờ uă, năng lượng lơh gơlik wơl.

Mìng is gah tam gơl sồ, Phó Thủ tướng đơs nền Cíñ phủ lơgar Việt Nam rơ̆p lơh lài mờ là cau năc ngui dờng ngan rlau jơh ai ală mpồl lơh sa kă bro sồ in. Tam gơl sồ mìng lơh geh cồng nha tŭ làng bol ngui mờ dờp geh bơta kwơ bơh mpồl bơtiàn sồ, lơh sa sồ. Bơdìh mờ hơ̆, kờñ ngan sền gròi tus broă lơh geh jơnau kờñ tơl khà, bơta kwơ niam chài, nùs nhơm, tơm bơh bơr, lơngăp lơngai tàm internet, tiah ơm kis ờ ngan, “bơta sòl” bơh tiah ơm kis ngan dê mơya kal ke rlau uă gĭt nđờ dơ̆ ngan.