Nam 2022, gùt lơgar geh rlau 600 dơ̆ broă tìs lơngap lơngai gah rơndeh par, gơguh rlau 400 dơ̆ pơndrờm mờ nam 2021; ală dơ̆ broă năc gơtìp ờ bài dờp mut tàm lơgar gơguh uă; ngan là neh gơlik geh 2 dơ̆ pơ hìn sò tơm iơh bơsak. Mơya ală dơ̆ lơh tìs lơngap lơngai gah rơndeh par neh geh bơsong di tŭ, ờ gŏ lời gơlik geh roh lơngap lơngaigơwèt mờ ală broă lơh bơh gah rơndeh par dê.

Đơs pơndŭt tàm dơ̆ pơrjum, Phó Thủ tướng ồng Trần Lưu Quang đơs loh, sền gĭt gàr geh lơngap lơngai ngan, lơngap lơngai gah rơndeh par là kơnòl broă cíñ trị lài ngan. Den tàng ală Ƀộ, ngàñ, ală tiah pal sùm pơnđơl pràn lơh ngan nàng tơnguh uă cồng nha lơh broă atbồ, gròi sền lơngap lơngai, ờ do ờdă. Mơkung lơh jat dùl ròt bal ală broă lơh nàng gàr geh lơngap lơngai, rcang sơndră sò tơm iơh bơsak, lơh aniai ală broă bơt bơtàu gah rơndeh par dê.