Jat jơnau yal bơh Ƀộ Nội vụ dê, lơh jat ală Nghị quyết sồ 18, 19 bơh Dà lơgar dê bè tam gơl pa rơndap tap sèng mpồl kwang bàng lơh broă bơh ală mpồl lơh broă cíñ trị dê, bơh nam 2021 tus tŭ do, neh gơmù 17 tổng kụk mờ mpồl lơh broă ndrờm bal; gơmù 8 kụk gơwèt tổng kụk mờ gơwèt Ƀộ; gơmù 7 sở mờ rlau  2 rơbô 100 cơldŭ lơh broă gơwèt Ủy ƀan Ñân zân kấp càr, kấp kơnhoàl; gơmù mờr 7 rơbô 500 mpồl lơh broă broă lơh dà lơgar dê, lơh geh 13,5 % pơndrờm mờ nam 2016. Tus jơh nam 2021, lơh sir sơr lèt broă jàu tơrmù cau lơh broă (gơwèt mờ mpồl kông cứk là 10% mờ mpồl lơh broă broă lơh dà lơgar là 11,6% viên cứk dờp geh priă nhai bơh kes priă dà lơgar).

Đơs pơn dŭt lơh broă, Phó Thủ tướng ồng Trần Lưu Quang cih dờp, jờng rơ uă ngan ală cồng nha mờ Ƀộ Nội vụ neh lơh geh bơh tơnơ̆ Pơrjum dờng dơ̆ XIII bơh Đảng dê tus tŭ do. Bè bàr pe jơnau dan bơh Ƀộ Nội vụ dê, tàm hơ̆ geh broă Cíñ phủ gờñ geh jơnau đơs bè rơndap broă lơh tam gơl pa rơndap tap sèng mpồl lơh broă broă lơh dà lơgar mờ nt rờn bàr pe viên cứk gơ gơs kông cứk.