Tàm dơ̆ lơh broă, Phó Thủ tướng ồng Trần Lưu Quang jờng rơ uă ngan Ủy ƀan Jơi bơtiàn kòn cau neh tă pơgồp jơnau đơs mờ Cíñ phủ, Thủ tướng Cíñ phủ kờp sền, tam gơl bơtơl, lơh sir ală broă lơh adat boh lam geh gơrềng tus broă lơh jơi bơtiàn kòn cau.

Tus tơngai tŭ do, bơh gùng dà broă lơh bơh Đảng, Dà lơgar dê neh lơh ngan ngồn ală broă lơh, adat boh lam geh gơrềng tus broă lơh jơi bơtiàn kòn cau tàm jơh ală gah tàm rài kis bơh làng bol jơi bơtiàn kòn cau dùl ết nă cau dê. Mơya, broă lơh jat ală broă lơh jơnau kờñ Dà lơgar dê gam lơyài, gơ lam tus khà priă bơcri broă lơh jơnau kờñ Dà lơgar gam lơyài, pa rơ̆p lơh geh rlau 43%. Bè ală jơnau dan bơh Ủy ƀan Jơi bơtiàn kòn cau dê geh gơrềng tus bơta kòl yan bè khà priă, cau bơcri priă gơwèt kơnòl broă bơh Ủy ƀan Jơi bơtiàn kòn cau dê atbồ, Phó Thủ tướng sồr Ủy ƀan gờñ yal nàng yal mờ Thủ tướng Cíñ phủ in sền sơ wì kĭ ai lơh jat lài mờ ngai 15/02.