Tàm nùs nhơm git gơ̆p lơh bơyô mờ sơrmah sơrmài, Phó Thủ tướng ồng Trần Lưu Quang neh yal mờ Đại sứ lơgar Lo ồng Hùng Ba sền wơl ală cồng nha bơh bơta git gơ̆p lơh broă bal jŏ jòng tơl ală bơta đah lơgar Việt Nam mờ lơgar Lo nam 2022 mờ cri bơyai nền nòn bè ală broă lơh pràn bơta git gơ̆p bal đah bàr lơgar tàm tơngai tus.

Phó Thủ tướng ồng Trần Lưu Quang kơ̆p kờñ bàr gah pơn jăt tai lơh pràn broă tìp bal, tìp bal kấp dờng, bơyai lơh niam Pơrjum dơ̆ 15 Ủy ƀan đơng lam lơh broă bal đah lơgar Việt Nam mờ lơgar Lo, ală broă lơh tìp bal, cri bơyai bal đah bàr Đảng mờ đah ală ƀộ, gah lơh broă dà lơgar, ală càr, ƀòn dờng đah bàr lơgar dê. Hòi jà bàr đah geh sùm bơta gơguh kă bro bal jăt gùng dà ndrờm bal, kơl jăp...