Jat rơndăp ù tiah tus nam 2050, Gia Lai là tiah kơh bơnơm brê bơnơm, tàp pràn să jan mờ pràn kơl dang să jan” tiah tus bơh ƀòn brê bơnơm, krơi is mờ niam ngan, là ù tiah tơlir, bềng bơhiàn niam chài niam bơnĕ jat gùng dà gơs broă lơh lam lài bơh dùl rài lơh sa bơtàu tơnguh kơ̆ kơl jăp. Jat rơndăp ù tiah, jơnau kờñ tus nam 2030, càr Gia Lai bơtàu tơnguh mhar, geh cồng nha mờ kơ̆ kơl jăp. Tơnguh uă bơta niam gơguh lơh sa, wèt tus gơguh tơlir, gơ gơs anih tờm bơh tiah đah Tô Tây Nguyên dê mờ tiah gơn kơnờm tàm 3 mum bơtàu tơnguh Việt Nam- Lào mờ Campuchia dê.

Đơs đơng lam tàm pơrjum, Phó Thủ tướng Trần Hồng Hà jờng rơ, Gia Lai geh gơnoar broă kwơ màng, trồ tiah niam, geh bơhiàn niam chài li la uă. Rơndăp ù tiah càr Gia Lai là dùl broă lơh lơh gơs ngan ngồn broă lơh dờng bơh Ƀộ Cíñ trị dê wèt tus jơnau kờñ bơtàu tơnguh càr Gia Lai gơs rùp hin lam lài bè bơtàu tơnguh lơh sa tơlir, kơ̆ kơl jăp, bềng bơhiàn niam chài dê.