Đơs tàm dơ̆ lam lơh dơ̆ ai cau lơh broă Nam Lơngăp lơngai gùng lòt nam 2024, Phó Thủ tướng Cíñ phủ Trần Lưu Quang đơs loh, nam 2024, ală broă lơh gùng lòt jun pơndiang rơ̆p pơn jat tai tơnguh sồr pal geh bơta pơnđơl pràn lơh ngan bơh jơh bal ală anih lơh broă Cíñ trị dê tàm broă lơh do. Phó Thủ tướng pà gĭt, broă rơndăp lơh nam lơngăp lơngai gùng lòt 2024 bơh Ủy ƀan Lơngăp lơngai gùng lòt Dà lơgar mờ tơngume “Sền dờng màng lơh jat Adat boh lam nàng bơt bơtàu niam chài gùng lòt lơngăp lơngai”.

Tàm nùs nhơm hơ̆, Phó Thủ tướng sồr ală Ƀộ, gah lơh broă Dà lơgar, ală tiah mờ ală mpồl cíñ trị mpồl bơtiàn bơt bơtàu mờ lam lơh jat di pal mờ gơnoar broă, kơnòl broă mờ kwơ màng là ală bơta bơh anih lơh broă, mpồl lơh broă dê. Kwơ màng là lam lơh jat nền cê jơh nùs, geh cồng nha broă lơh nàng gàr niam rơndăp tăp sèng lơngăp lơngai gùng lòt tàm tơngai sa tềp Dà lơgar Giáp Thìn mờr tus do in.