Phó Thủ tướng đơs niam cồng nha lơh broă bal đah Ƀộ Văn hoá, Thể thao mờ Zu lịc lơgar Việt Nam mờ Ƀộ Thông tin, Văn hoá mờ Zu lịc lơgar Lào, tàm hơ̆ uă ngan là tàm broă bơyai lơh ală broă lơh niam chài, tìp bal làng bol.

Phó Thủ tướng Trần Lưu Quang sồr bàr Ƀộ lơh geh cồng nha Broă lơh bal bơta Niam chài, lòt nhơl tơngai bơh nam 2021 tus 2025 bè neh kĭ; kơlôi sơnơng, lơh jăt ală broă lơh, lơh pràn broă lòt nhơl đah bàr lơgar; pơgồp bal nền nòn tàm broă bơyai lơh ală broă lơh bơh Mpồl bơtiàn niam chài mpồl bơtiàn tàm nam lơgar Lào lơh Củ tịc mpồl ASEAN; pơgồp bal nền nòn tàm broă lơh jăt ală rơndăp broă tàm gah niam chài, tàp pràn să jan mờ lòt nhơl lơgar Việt Nam tàm lơgar Lào.