Broă lơh do dong mpồl lơh sa kă bro, Hợp ták xã, hìu bơnhă lơh broă sa tàm gùt lơgar tàm tơrbŏ bal kă bro mờ tac phan lơh gơs geh cồng nha. Poh phan OCOP mờ phan tiơng pơn rơ is ală ù tiah nam 2023 geh 439 mpồl lơh sa kă bro tus bal mờ mờr 1 rbô 200 phan, tàm hơ̆ OCOP geh 756 phan geh bơh 3 tus 5 sơmañ. Tàm poh phan OCOP gam geh lơh ală broă lơh lơh broă bal tàm jàu bơta gơguh jak khoa học, jak chài măi mok bè lơh sa suơn sre mờ bơtàu tơnguh ƀòn lơgar; lơh gơlik bơta niam ai mpồl lơh sa kă bro ƀòn dờng Hồ Chí Minh mờ ală càr, ƀòn dờng in jòi git, bơcri priă ală rơndap broă lơh sa suơn sre ngui măi mok pa, pơgồp bal mờ lơh gơlik uă ală phan bơh suơn sre krơi is bơh 38 càr, ƀòn dờng dê. Bơh hơ̆, đơs nền gơnoar broă tàm tơrbŏ geh cồng nha, gah hòi jà kă bro kuơmàng bơh ƀòn dờng Hồ Chí Minh dê tàm gah lơh sa suơn sre ală tiah tàm gùt lơgar.

Drim ngai 27/10, tàm Hà Nội, Anih hòi jà kă bro Lơh sa suơn sre, gơwèt Ƀộ Nông nghiệp mờ Phát triển Nông thôn pơgồp bal mờ Cơl dŭ lơh broă Đơng lam ƀòn lơgar pa Dà lơgar, Mpồl dà màn ờs mờng Việt Nam bơyai lơh “Poh yal, tơrbŏ bal phan sa Việt Nam ai ală bơta phan dà màn ờs mờng, ală phan sa krơi is ù tiah dê”. Do là dơ̆ yal, mblàng yal ală jơnau yal bè jơnau phan sa, mpồl broă lơh ală bơta dà màn, dà màn mờ phan sa bơh dà màn lơgar Việt Nam dê tus mờ cau ngui, dong kờl tơnguh uă jơnau git wă, prăp gàr bơhiàn ờs mờng mờ ală bơta niam chài krơi is bơh lơgar Việt Nam dê tus mờ cau năc tàm lơgar mờ lơgar bơdìh. Poh lơh broă do là broă lơh geh bal tàm ală kơnòl broă bơh broă lơh jơnau kờñ dà lơgar bơ̆t bơtàu ƀòn lơgar pa nam 2023, pơgồp bal tàm broă lơh pràn kă bro, tơrbŏ bal ai phan dà màn ờs mờng mờ phan sa geh lơh bơh dà màn.