Tus bal Cri bơyai geh ală cau jăk chài, cau khoa họk, atbồ dờng mờ kwang bàng tus bơh 5 càr tiah Tây Nguyên. Kờp tus nhai 6 nam 2023, tiah Tây Nguyên geh 2 rơbô 187 Hợp ták xã, tàm hơ̆ rơlao 1 rơbô 600 Hợp ták xã lơh sa suơn sre, gam tai là ală Hợp ták xã ờ di lơh sa suơn sre.

Bŭ lah neh ai gŏ bơngă, gơnoar tàm broă lơh pràn lơh sa mpồl bơtiàn tiah Tây Nguyên bơtàu tơnguh, mơya jăt jơnau đơs bơh ală kwang bàng tàm dơ̆ cri bơyai den ală Hợp ták xã tàm tiah do kung gam pal gơtìp mờ uă bơta lòng mờ gơkòl bè: bè đah git wă; bè bơta pràn priă jền mờ bơta niam cau lơh broă… Nàng lơh sa Hợp ták xã tiah Tây Nguyên sơrlèt mờ kal ke pơn jăt tai bơtàu tơnguh, tàm cri bơyai ală kwang bàng neh tơrgùm mblàng lơh loh bơta mùl màl bơtàu lơh sa Hợp ták xã tiah Tây Nguyên tŭ do; bơta lơi lơh gơtìp ală kal ke, ờ pràn mờ gùng dà broă lơh jŏ jòng nàng lơh pràn lơh sa Hợp ták xã tàm tiah Tây Nguyên pơn jăt tai bơtàu tơnguh tàm tơngai tus.