Tàm pơrjum, ală kwang bàng neh cribơyai, ai tơlik ală broă lơh bơtàu tơnguh lơh sa- mpồl bơtiàn 6 nhai lồi nam. Tàm hơ̆, tơrgùm tàm ală broă lơh nàng sơlơ tơnguh mhar tơngai lam lơh mờ ai priă bơcri ală rơndap broă lơh broă lơh bơt bơtàu kuơmàng, ai lài ală rơndap broă lơh gơ wèt 3 broă lơh jơnau kờñ dà lơgar, broă lơh bơtàu tơnguh wơl mờ bơtàu tơnguh lơh sa, broă lơh ai ù nàng lơh rơndap broă lơh gùng rơndeh ntoat mhar Buôn Ma Thuột- Khánh Hòa. Sơlơ tơnguh rlau tai srơh jơh gùt làng bol sền gàr lơngăp lơngai dà lơgar, gàr kơ̆ lơngap lơngai dà lơgar, sền gàr kơ̆ lơngap lơngai cíñ trị, ring lơngai mpồl bơtiàn.

Đơs tàm pơrjum, Ƀí thư Tỉñ ủy càr Dăk Lăk ồng Nguyễn Đình Trung sồr; tơngai tus, kâp ủy, gơnoar atbồ ală kâp, ală gah broă lơh pơn jat tai lơh jat ală kơnòl broă cíñ trị bơh càr dê nàng pơn jat tai tam gơl pa, tơnguh bơta niam, cồng nha broă đơng lam, sền sơ wì, sồr lơh jat ală Nghị quyết, jơnau sồr bơh Dà lơgar, bơh càr dê.