Dơ̆ lơh chờ kơphê Buôn Ma Thuột dơ̆ 08 nam 2023 geh tơngume: “Buôn Ma Thuột- Tiah tus bơh kơphê dunia dê” geh bơyai lơh tàm 05 ngai, sơnđờm bơh ngai 10/03 tus ngai 14/03 nam 2023, mờ 6 mpồl bal mờ 18 broă lơh kă bro mờ niam chài. Do là dùl broă lơh niam chài dờng, lơh geh tŭ niam nàng yal tơngĭt măt kă bro kơphê Buôn Ma Thuột, bơtàu tơnguh phan bơna kơphê bơkah pơnrơ lơgar Việt Nam dê. Bơh hơ̆, rơhời ai Buôn Ma Thuột gơ gơs là tiah tus bơh kơphê dunia dê, pơgồp bơnah tơnguh priă lơh geh, đơs nền bơngă kơphê Việt Nam dê tàm drà kă bro dunia. Ală jơnau yal tơngĭt jơnau bè Dơ̆ lơh chờ geh pơnđàng, yal tơngĭt sùm tàm Mpồng yal tơngĭt jơnau điện tử càr Dăk Lăk dê, anih: http://daklak.gov.vn mờ Pang yal tơngĭt jơnau điện tử bơh Dơ̆ lơh chờ Kơphê Buôn Ma Thuột.