Pơrjum ƀăo yal Jơnau lơh nền bè broă toh glài bơh Củ tịc lơgar dê
Thứ bảy, 07:40, 03/08/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Drim òr (02/08), tàm Hà Nội, Cơl dŭ lơh broă Củ tịc lơgar pơgồp bal mờ Ƀộ Cri bơyai broă mờ lơgar ndai, Ƀộ Kwang àng, Anih cah rơña Làng bol dờng rơlao jơh bơyai lơh pơrjum ƀăo yal Jơnau lơh nền toh glài nam 2024 bơh Củ tịc lơgar dê.
Bơh nam 2009 tus tŭ do, Dà lơgar neh bơyai lơh 09 dơ̆ toh glài di tàm dơ̆ geh broă kwơ màng, ngai kwơ màng dà lơgar dê, toh glài ai rơlao 92 rơbô nă cau jàm neh geh tơngai jàm, lơh broă, bơsram jơnau niam rê wơl mờ mpồl bơtiàn.
Nam do, jăt jơnau sồr bơh Cíñ phủ, Củ tịc lơgar ồng Tô Lâm neh kĭ Jơnau lơh nền toh glài nam 2024 di tơnkah 79 nam ngai Sơn tờm dà lơgar mờ 70 nam ngai Tơnklàs Càr lơgar. Cau toh glài geh: cau gam lơh jăt broă kŭp jàm geh tơngai, cau gơtìp yă lơh glài tus jơh rài kis neh geh tơmù gam jàm geh tơngai, cau gam geh ơm ing lơh jăt broă lơh glài jàm. Jơnau lơh nền do kung đơs loh ală bơta nàng geh toh glài ai tơl mpồl cau in.
Viết bình luận