Đơs pơndŭt tàm dơ̆ pơrjum, Thủ tướng ồng Phạm Minh Chính cih dờp broă lơh neh geh uă gơguh jak tơnơ̆ pơrjum dơ̆ 03 bơh Mpồl đơng lam dê, Thủ tướng jờng rơ ală tiah sền bal neh geh uă bơta pơn đơl pràn lơh ngan, lơh ngan tàm broă lam lơh jat kơnòl broă.

Ngan là Hà Nội, ƀòn dờng Hồ Chí Minh mờ ală mpồl lơh broă neh pơnđơl pràn lơh ngan lam lơh 2 rơndap broă lơh gùng pleh 3 ƀòn dờng Hồ Chí Minh mờ gùng pleh 4 tiah càr lơgar, ngan là neh lơh kràñ cê jơh nùs, niam ngan broă lơh ai ù, ai geh bơta dùl nùs bal bơh làng bol dê. Ală càr Đồng Tháp, Hậu Giang, Cà Mau, Đồng Nai… kung lam lơh uă ngan broă lơh do. Tŭ do, mat rơndap broă lơh kwơ màng Dà lơgar, broă lơh tờm gah Giao thông Vận tải dê tàm hơ̆ geh 21 rơndap broă lơh dờng mờ pơgap 70 rơndap broă lơh ală bơta.